لو سمحتو ادخلو كلكو الموضوع مهم كتير

مرحبا يا جماعة لو سمحتو الموضوع كتير مهم بالنسبة الي يا ريت تقروه كويس
وكل واحد يحط نفسو مكاني ويعطيني رأيوا بكل صراحة,,,


انا شاب ومن غزة طبعا بدرس بالجامعة طبعا بقطع شوية بدراستي ولسا ما خلصت..
قبل حوالي سنة اتعرفت علي بنت عن النت بطريق الصدفة يعني البنت مش تبعت نت ولا غيرو
بنت كويسة كتيرمن سكان القدس تقريبا او يعني قريبة منها..
طبعا اتاكدت من البنت كويس وبصراحة اتضحلي انها محترمة جدا جدا واخلاقها احسن كمان
ما عمرها عرفت حدا قبلي ولا رح تعرف حدا بعدي ملتزمة كتير علمتها شغلات كتيرة واتعلمتها
اقتنعت فيها جدا واقتعت فيي اكتر..
طبعا انا اتعلقت كتير في البنت وهيه اتعلقت فيي اكتر حاولنا كتير ننسي بعض بسبب البعد اللي
بيني وبينها بس للاسف ما قدرنا فكرنا نهرب انا وهيي فكرنا بكل اشي ولهلقيت مش عارفين
شو نعمل البنت مستعدة اتضحي عشاني وانا كمان مستعد اضحي عشانها,,
يعني باختصار البنت مش ناقصها اشي وكمان لو احكيلها موتي بتموت ومتعلقة فيي كتييييير..

طبعا انا واثق جدا جدا جدا من الكلام اللي بحكيه وبعرف البنت اكتر من نفسي....

هلا بصراحة شو لازم اعمل استمر معها ولا احاول انهي علاقتي فيها مع اني ما بقدر
طبعا اهلها وضعهم كويس كتير والبنت حلوة كتير يعني ممكن ما يرضو يخلوها تتزوج برة
بصراحة في اكتر من عقبة في الطريق غير انو انا بغزة وهيي بالقدس تقريبا ,,,
بس حبي الها وحبها الي مخلينا نحس انو ولا اسهل انو نصل لبعض .

يا جماعة شو اعمل والله محتار جدا ومش قادر اعل اشي كمان
يا ريت تعطوني رايكو بكل صراحة يمكن استفيد منكو...

**************************

شكرا الك عاشق البحر بحترم وجهة نظرك بس والله ما هيه بالساهل زي ما بتحكي اني انسا بعدين انا مش متامل نحرر فلسطين ونصير دولة زي غيرنا بس برضو ممكن يصير اشي احسن من هالوضع تهدئة احسن من هيك تفتح المعابر وندخل الضفة او اسرائيل بتصاريح زيارة او غيرو ممكن يعني يصير حل بسيط واقدر ادخل يعني صح الاشي صعب بس يمكن مش مستحيل وتحياتي الك

شكرا كتير الكو يا شباب علي وجهات نظركو وشكر خاص الك يا اشتراكي ثوري لانو كلامك برد الروح وانشالله ما بصير الا كل خير