قصيدة الخيانة

الخيانة
عفية ياناس اسمعوني عندي قصة زغيرة هية
اسمعوها للنهاية وتعرفون الصار بية
....
اني قصتي ويالحبيبة وللصديق الخان بية
جنت احب وحدة وتحبني وللصبح نكعد سوية
....
اني اضحك هية تبجي وامسح الدمعة بدية
شبيج اكلها تكلي احبك عفية لا تبعد علية
....
وينكسر كَلبي الغبي كَلبي الغشيم العلى النية
ألي وكعني بمصايب وبمشاكل وحشة هية
....
وبمفارز حب دفعني واني ما شايل هوية
ويكلي لا تتركها تبجي حبها اكثر خطية
....
اسبوع غبت انا عليها ردت تاخذني المنية
اتأخرت فترة كَصيرة شفكرت هاي الغبية
....
تخابر الهاتف صديقي تخابرة وتسأل علية
يكلها عوفي ما يحبج هذا عندة غير نية
....
وهو اعز الاصدقاء واغلى من روحي علية
تالي ما تالي صديقي ويالحبيبة يخون بية
....
ترافكت وية صديقي الجنت احبها حيل بية
للحبيبة الخاينة الباعت هوانا المو وفية
....
وللصديق المو وفي الخان الوصية
ومن كَلب مضلوم يدعي ارد اقدملهم تحية
....
وهو موجود وسمعني وهية تسمع ذيج هية
ما بقت عندي حبيبة ولا صديق بقت بس علة خفية
....
وما بقت بس دمعة تجري وادعي كل صبح ومسية
وين الله ريت الله ينتقم من اعز اثنين الية
...........

من طرف كنفاني الإثنين يونيو 30, 2008 11:58 pm

كلمات رائعه وجهد مميزرفيقي عبدالله

ارق تحيه

من طرف نسر الجبهة الثلاثاء يوليو 01, 2008 3:10 am

والله كلمات حلوة و ما حبيتها اتخلص بس حلوة القصة

يسلموا رفيق

من طرف همك كبير الجمعة يوليو 04, 2008 10:56 am

براااااااااااااااااااااافو رفيفي
الخيانة اصعب شي وياريت ولاحد يجرب خيانة اعز صديق واغلا حبيب لاني بسمع انها كتير صعبة والدليل هاني شاكر في اغنيته صديق عمري

قصيدة الخيانة

قصيدة الخيانة

رد: قصيدة الخيانة

رد: قصيدة الخيانة

رد: قصيدة الخيانة