بدون تعليق

من طرف شمس الإثنين يونيو 30, 2008 1:21 pm

عم يتفلسف الحمار و يخاطب إبن آدم و يقلو
عجبي عليك يا ابن آدم يا كبير الدار

قوّمت الدنيا و ما قعدتها لما قالولك حمار

شو يعني اسمي شتيمة و لا جنسي شي عار؟؟؟

خلقني ربي و خلقك و ما حدا بايدوا الاختيار

و أنا مهما زاد الحمل فوقي صابر على المشوار

لا بيوم أرفع عيني على جارتي و بصون الجار

و لا بيوم بطلّع على رزق غيري و بطقّ منو و بغار

و لا مهر أدفع لحمارتي و لا خواتم و لا سوار

و لا شقة أجمع بحقها

و لا أجهز دار

و لا حرمتي حامل تتوحم بدها كافيار ....
و لا بنت تخرج عن طوعي و تجيب لي العار

و لا ابن يدمن و يهلوس و يوقع و ينهار

عايش بحالي و متهني وليش بدي احتار

باكل وبشرب و أنهق و ما في عندي أسرار

و عندي ابن آدم يخدمني ليل و نهار

اذا جعت يشتري برسيمي بأغلى الأسعار
و اذا مرضت بيعالجني و يدعي الستار

خادم أمين من غير راتب و لا حتى أيجار
عرفت يا بني آدم مين فينا طلع الحمار

من طرف كنفاني الإثنين يونيو 30, 2008 11:48 pm

و عندي ابن آدم يخدمني ليل و نهار

اذا جعت يشتري برسيمي بأغلى الأسعار
و اذا مرضت بيعالجني و يدعي الستار

خادم أمين من غير راتب و لا حتى أيجار
عرفت يا بني آدم مين فينا طلع الحمار

فعلا يا شمس طلع الانسان هو الخادم وهو لحمار

والله الانسان هالايام هادي صار يتمني يعيش عيشه لحمار

مشكوره شمس على موضوعك المعبر والرائع

تحياتي لشخصك الكريم