رد: قهوة الصباح + قهوة المساء

مساء الخير للجميع
والله موضوع حلو كثير يهدف للتفاعل بين الاعضاء وتعويد الاعضاء على
عمل خطة يومية لحياتهم وهذا يؤدي الى تنظيم الوقت
اما بخصوص فنجان فهوتي الان فانا درست اولادي قبل شوي وبعدين كان المجد عمل لنا عشا
لذيذ وبعد العشا حممت الاولاد والان انا قاعدة على المنتدى والمجد قاعد بدرس مجد لانه كل
واحد فينا بدرسه شوي
وبعد شوي حننيم الاولاد لانه عندهم مدارس الصبح وبعدها بنجلس شوي على التلفزيون وبعدها نصبح
احنا وانتم على احلى فنجان قهوة بحليب لاني ما بحب القهوة سادة على الريق

من طرف جيفارا الأربعاء فبراير 13, 2008 1:33 pm

مشكور يارفيقى الغالى المجد على موضوعك الرائع

متل ماحكت عاشقة السعادة بيخلق التفاعل بين الاعضاء

انا هلأ بشرب قهوة المسا عند شب صاحبى حبات عنده

وحبات عنده وقهوة الصباح راح اشربها عنده الصبح

سلاموووووو

من طرف lost my life الأربعاء فبراير 13, 2008 1:45 pm

مسا الخير عليكم ورجعنا بقهوة المسا بعد ما فوزنا فى المباراه بقيادة رفيقى المجد وكسر كسر ربك بيسر

وكمان ساعه ببدى عيد الحب الفلانتاين وبيقولو لو كان حبيبك ثور البسله احمر ومع انى قرفان راح البس اخضر لانه اخضر اخضر لون الدم ههههههههههههههههههههه

المهم احلى مسا لاروع المجد ومسا الخير على كل الاعضاء

تشاااو عليكووووووو

من طرف المجد الأربعاء فبراير 13, 2008 1:56 pm

مساء الخير للجميع
طبعا بهمتك LOST أنت و Red Eagle فزنا في المباراة
وان شاء الله بنفوز دايما ويا سيدي كل عام وانت الحب
طبعا بعد فنجان قهوة المسا راح نكمل سهرتنا في البيت مع الاولاد قبل النوم
وشوية على التلفزيون وكم من نكتة اخر الليل وان شاء الله بنلتقي في قهوة الصباح
اذا في كهربة لانه بكره الصبح معاد القطع وربنا يستر
يسعد مساء كل الي مسو تائهة وعاشقة السعادة وجيفارا وLOST
ومساء الخير لكل الاعضاء الحلوين

من طرف ناجي العلي الأربعاء فبراير 13, 2008 1:58 pm

شوفو انا صحيت بدري عشان اروح عالشغل و رحت عالمطبخ و انا بفرك في عينبه و بصعوبه وجدت الغلايه و حطيتاها عالغاز بعد ما عبيتها مي و ولعت تحتها. بعد ما غلت المي بفتح علبه القهوه لقيتها فاضيه .......... فطفيت الغاز و اخذت نفس طويل و قلت لحالي. بلاش الاتفعال يا و لد. فلم يبقي لي مزاج لليرنامج اليومي.

صحتين قهوه الصباح علي قلوبكم ............

من طرف نغم الأربعاء فبراير 13, 2008 2:16 pm

معلش بس استفسار
بصراحة انا ما بحب اشرب قهوة الصبح معلش لو كان شاي أو حليب أو حتى......................كاسة مية ع الريق ههههههههههههههههههههههههه
بعدين بدي أحكي شغلة انا مع الرفيق كولتي في انه الانسان لازم يكون مخطط لحياته بشكل يومي ويكون حاطط خطة اليوم يلي بدو يبدأه بس بصراحة في أيام بتكون حاطط خطة بشكل مرتب بس تواجهك ظروف وشوية شغلات ما بتخلي أمورك تمشي بالشكل يلي كنت مخططله
يعني في أوقات االواحد بكون مخطط لانه يقعد لموضوع معين ع النت ويفاجئ بقطع الكهربة وخاصة في مجتمعنا الذي يعيش في روتين مخطط من قبل العالم الاخر
مو معناة كلامي انه الواحد ما ينظم اموره لا بالعكس لازم ينظم اوره بشكل صحيح ويحدد هدف لحياته ولكل يوم يمر فيه وانا شخصيا لانه في اجازة فصلية ما في تخطييط ليومي بشكل عادي لاني حابة اقضي الجازة بشكل عفوي شوية لانه ما في عندي مسؤوليات كتيرة بهالايام

مرحبا يا احلى رفاق وتحيه رفاقيه لرفيقي المجد انا اليوم طبعا رحت عالدكتور متل محكيت وغريبه اني رحت على اساس تاخدني نومه منشان ما اروح المهم رجعت من عند الدكتور عالبيت فجأه اجتني رفيقتي ومعها رفيقتها وسهرنا مع بعض لغاية الساعه12 طبعا شغل البيت ما عملته منشان كان عندي ضيوف طبعا اليوم ما راح اروح مكان قاعده بالبيت هادا هوه برنامجي اليوم

سلام يا احلى اعضاء

صباح الخير للجميع
صباح الخير المجد

طبعا جدولي لليوم راح ارد على اشويه مواضيع بعدها راح اشوف عمتي ونقعد مع بعض ونحكي باشياء لانها كمان زهقتني برناتها بعدها اكيد راح يكون وقت للغذا وبعد العصر اكيد راح اطلع انا وخطيبه اخوي مشوار بعدها راح نطلع كمان مشوار وراح نتمشى اشويه
وبعد ما ارجع البيت اكيد راح اقعد اشوي على النت وبعدها راح اقرا اشويه قرءان وبعدها راح امسي عليكوا
وان شاء الله بالتوفيق للجميع

كل اشوي بعدها بعدها الله يعينا يارب

وان شاء الله نهار حلو بيكون عليكوا وعلينا مع انه باين من اوله يعني

سلام

من طرف المجد الخميس فبراير 14, 2008 9:44 am

مساء الخير لاحلى اعضاء
للاسف ماصبحنا عليكم اليوم لان الكهربة كانت قاطعة
وبنعاني منها كثير ومش ملاحق الواحد ينحرق عنده اجهزة كربائية
بعين الله على العموم بحب امسي عليكم جميعا قبل لا تقطع الكهربة
لانه صار ما لها معاد على العموم اليوم كان الجو ممطر جدا وبارد
وما في مجال للخروج من البيت خرجت شوية على الدكان وجبت شوية اغراض
وقضينا طول اليوم في البيت بدون كهربة وشربنا قهوة الصبح ومشينا يومنا
بالنسبة للاخت نغم لو كان شاي أو قهوة أو حليب بمشي الحال تواجدك معنا يسعدنا
اتمنى لكم دوام التقدم
كل عام وانتم الحب

من طرف جيفارا الخميس فبراير 14, 2008 11:49 am

مسا الخير لاحلى اعضاء ولأحلى رفيقى بالدنيا رفيقى المجد

انا شربت قهوة الصباح الساعة 11 لانى صحيت متأخر شوى وبعدها فطرت

وقعدت مع اهلى وبعدها طلعت فوق على غرفتى رتبتها لما اجى معاد الدورة

ايلى باخدها فى مركز الفالوجا الثقافى وبعد الدورة طلعت انا والرحال على شب صاحبى

وانا عند الشب صاحبى رن على المجد وحكالى جيب معك شفر جليت 3 وبعدها روحت من عند صاحبى

ونزلت عند المجد واكلت عنده منقيش وقهوة المسا راح اشربها عند المجد

وحبيت امسى عليكوا قبل مأشرب قهوة المسا لانو الكهرب بتفصل وبتجى

سلاموووو

مسا الخير للجميع
مسا الخير المجد

طبعا اليوم الجو كان ماطر وما طلعنا المشوار ايلي كان لازم نعمله ان شاء الله بكرة يارب
يعني قضيت اغلب وقتي مع عمتي ودرست بنت عمتي ساعه تقريبا

ومع هيك طبعا والحمد لله قرأت 3 اجزاء قرءان لاني متعوده بكل اجازة لازم اختم القرءان والحمد لله امشيه صح وان شاء الله من هان لاخر الاسبوع بكون ختماه باذن الله على حساب اني بديت فيه من يوم الثلاثاء

طبعا الوالد قاعد بيجهز العشا مثل ما هو معودنا على اكله الجامد واكيد عنا ضيف على العشا
بعدها راح احاول اقرأ جزء قرءان وبعدين ما في وراي غير النوم مع الزهق
وان شاء الله بكرة بصبح عليكوا لو قدرت

ويسعد مساكم جميعا يارب

تحياتي

صباح الفل رفيقي المجد صباح الخير يا احلى اعضاء

انا طبعا اليوم قضيته كلو بالبيت وشغل البيت وبكرا عندي مشوار بدي اروح مع بنت عمي ناخد لها اشياء للمدرسه لانها بتبدا الدراسه عنا يوم السبت بعدها برجع عالبيت وراح اشوفكم صباح يوم السبت متل هالوقت

سلامووووووووووووووووو

وتحيه رفاقيه لرفيقي المجد

صباح الخير للجميع

صباحكوا عسل ان شاء الله

يسعد صباحك المجد انت وعاشقه السعاده

جدولي اول شي في نكد من الصبح لانه مع قطع الكهربا كل الملفات وكل شي على سطح المكتب للجهاز طار ويادوب نزلت كل شي من جديد

طبعا افطرنا واليوم علي المطبخ ونظفته ولمعته ويا ما شاء الله عليه الله يكون بعوني يارب وخاصه انه اليوم الجمعه
طبعا الغذا مفتول اذا بتحبوا المفتول اتفضلوا ايلي بده يبعثلي رساله خاصه وانا بحكيله العنوان
لا تصدقوا

لا طبعا بمزح
الغالي بيرخصلكم

بعد الغذا راح ادرس الامورة ديانا بنت عمتي انجليزي الله يعيني يارب

بعدها في عنا كتب كتاب اشهار بالحارة راح اروح احضره
ان شاء عقبال عند لوست بمثل هاليوم يارب
هههههههههه

وبعدها راح نطلع المشوار ايلي اتاجل انا وخطيبه اخوي وبعدها نتمشى اشوي
واكيد بعدها راح اقعد مع عمتي اشوي وبعدها راح اقرا قرءان

واذا تم كل شي بحمد الله راح امسي عليكوا

ويجعل صباحكوا قشطه يارب

وتحياتي للجميع

من طرف المجد الجمعة فبراير 15, 2008 4:30 am

مساء الخير طبعا اليوم الصبح ماقدرت اشاركم في قهوة الصباح
لاني رحت على الارض مع الوالد أنا واخوتي وساعدناه في الشغل
وبعد هيك صلينا الجمعة وهيني بمسي عليكم
يسعد مساكم جميعا تحية رفاقية لحبيبتي فلسطين بتمنى لك دوام التوفيق
تائهة ما تفتحي علينا بواب لوست بدري عليه لحسن بعدين يعملها
يسعد مساكي تائهة موفقة في كل ما تريدين ان شاء الله
طبعا بعد الشغل الي عملنا للوالد والصلاة في عنا مشروع غدا
وبعدين بعد العصر في عندي مبارة كرة قدم أنا وlost و red
وأن شاء الله بنفوز كالعادة وبعد المغرب حتكون الكهربة قاطعة اذا اجت بدي بنمسي عليكم كمان مرة
واذا ما اجت راح نفكر في مشروع جديد ويسعد ماكم مرة اخرى

مساء الورد لاحلى رفاق بالكون
مساء الفل والياسمين رفيقي المجد
خطتي لهالمسا اني اروح اشتري شنبر لانوا الكهربا قاطعه عند كل الناس
واروح ادرسلي كلمتين على الشنبر
وبعدها لازم روح على رفيقي كنفاني لاني مشتاقلوا
وبعدها راح ارجع وكمل دراستي على الشنبر
لما يجي موعد النوم وانااااااااااااااام
للساعه 6 وبروح على المدرسه وبعدها بنصبح عليكوا

تحياتي لاحلى رفاق بالكون

وكل عام وانتوا الحب
وبتمنى اني اقدر يوم من الايام في عيد الحب اضع ورده على قبر الحكيم

مرحبا رفيقي المجد مرحبا رفاق

برنامج اليوم انجزته بس كان منيل بستين نيله يلا بعين الله

طبعا بكرا مافي شي بخاطري يعني قعده بالبيت لمدة سنه

تحيه رفاقيه لاحلى مجد وبالتوفيق الك وللجميع يااااااااااااااارب

سلام بكرا بشوفكم ان شاء الله

صباح الخير للجميع
صباح الخير المجد

طبعا جدولي اليوم انا مصبحه عليكوا بكير اليوم اكيد اليوم الساعه 10 راح اطلع على الجامعه انا وبنت النور وراح نسجل للفصل الجديد وراح نقعد في الجامعه ونغير جو مع الصبايا
بعدها راح اروح على المؤسسه واقعد ساعه مع السكرتيرة ومن بعدها راح اروح على عمتي واكيد راح ادرس الاموره ديانا بنت عمتي
ومن بعدها راح ارجع البيت وبعد الغذا اكيد راح اقعد اشوي على النت وبعدين راح اقرا اشويى قرءان
وراح اشوف شو راح يصير معي بعدها وشو راح اعمل
وبعدها بمسي علييكوا اكيد

ويجعل صباحكوا قشطه يارب يا حلوين

طبعا بخصوص قهوة المسا زهقت وانا استنى الكهربا بس الجدول مشي تمام ايلي كنت مرتباه والحمد لله

وتحياتي للجميع

من طرف المجد السبت فبراير 16, 2008 12:42 am

صباح الخير لاحلى اعضاء
صباح الخير لاسرتي اعضاء المنتدى الرائع
طبعا امبارح ما كان في كهربة حتى نمسي عليكم وهذا للاسف
صباح الخير يا شعلة بتمنى لك التوفيق وبالنسبة للشنبر خلينا نرجع
للعصر القديم ايام جدود جدودنا بعين الله
صباح الخير حبيبتي فلسطين معلش ما تزعلي اذا ترتباتك للجدول مابتزبط احيانا
بس أنا بقول لازم نكيف حالنا بحالنا بتمنالك حياة أفضل وبرنامج سعيد دائما ان شاء الله
وتحية رفاقية
صباح الخير ياتائهة بتمنالك التوفيق في الدراسة وان شاء الله بنحتفل في نجاحك
بالنسبة لي طبعا أمبارح ما زبط موضوع المباراة واتغلت بتمنى نعوضها في يوم تاني
وباقي اليوم كان على مايرام رغم قطع الكهربة أما اليوم
برنامجي كمان شوية لازم اروح على مستشفى العودة عندي معاد مع الدكتور اخصائي الانف والاذن والحنجرة وبعد هيك عندي زيارة لرفيق في معسكر جباليا وبعدين برجع على البيت بقعد على النت شوية
والعصر في عندي تمرين مع الفريق كالعادة والمغرب مع الاسرة شوية وبعدين ممكن اقابل اخوي على النت من المانيا بتمى النجاح لي في كل الخطة وبتمنى النجاح لكم في كل شيء تحياتي يا احلى ناس

[b]

من طرف جيفارا السبت فبراير 16, 2008 2:22 am

صباح الخير لاحلى اعضاء صباح الخير لرفيقى المجد

انا اليوم جدولى شوى مخربط مش عارف يمكن اطلع خانيونس ويمكن لأ

لانو امبارح ماطلعت والله غير رفيقى المجد يطخنى لانه فى اله معاى كاميرا

دجيتال بده ازبطها اله عند شب صاحبى فى خانيونس وعدته امبارح اروح وماطلعت واليوم

ابصر اطلع مش عارف مخربط وقتى سلامووووووو القهوة غلت

من طرف كنفاني السبت فبراير 16, 2008 5:24 am

مسا الخير للجميع بما اني هلاء صاحي من النوم

وقاعد بشرب قهوه ساده مع سيجاره بحب امسي على جميع

اعضائنا الحلوين واسف لاني ما بصبح لاني دايما

بصحا متاخر من النوم ...

لي عوده لاني ما رتبت اموري اليوميه

تحياتي للحلوين والبشعين الله يتولاهم هههههههههههههه

من طرف جيفارا السبت فبراير 16, 2008 10:17 am

مسا الخير لاحلى رفيق المجد

وانا بصراحة جدولى اليوم كان مخربط وماطلعت خانيونس

وانا هلأ عند رفيقى المجد قاعد بأكل ايس كريم والله مانى عارف من وين جيبها

فى هالبرد بس والله زاكية كتير وانا اجيت على المجد اطمن عليه لانو اليوم كان فى مستشفى

العودة عند دكتورالانف والاذن والحنجرة والحمدلله المجد بخير

وراح اشرب قهوة المسا كمان اليوم عنده

تحياتى

مسا الخير رفيقي المجد سلامتك يارب سلامة انفك واذنك وحنجرتك

مسا الخير عليكم يا اعضاء الشعله الحمراء
انا هلاء مش فاضيه طبعا عني شوية شغل بالبيت وعلى اساس رفيقتي يلي هيه بتكون بنت عمي اللهي يعدمني ياهاعلى اساس تجي عليا مش راضيه وانا قاعده زهقانه كثيييييييير
فوت بس منشان امسي عليكم لاني دايما بس اصبح بشوفكم الصبح سلامووووو

تحيه رفاقيه لرفيقي المجد والف سلامه عليك

تحياتي للجميع وبالتوفيق للجميع

مسا الخير للجميع

اكيد سلامتك يا المجد ان شاء الله اعدائك

رجعنا بقهوة المسا بس على كاسه ميا طبعا

اليوم التخطيط مشي تمام اكيد مثل ما صبحت عليكوا

بعد ما راح اكمل الرد راح اقعد اشوي على النت

وبعدها راح اقرا اشوية قرءان

وبعدها شوووووووووووووو

طبعا راح اقعد مع حالي اشوي قبل ما انام

وبعدها راح انام

وان شاء الله بنصبح عليكوا بكرة يارب

ويجعل مساكو فل وياسمين يارب

تحياتي

من طرف المجد السبت فبراير 16, 2008 2:04 pm

مساء الخير للجميع
مساء الخير لاحلى اعضاء
طبعا انا بشكر كل الاعضاء الي سألوا عني
الحمد لله انا بخير وعلى ما يرام طبعا رحت على الدكتور
وكان الوضع تمام وعلى فكرة كانت المشكلة في الاذن
وطلعت المشكلة من نكاشات الاذن وأنا بنصح الكل عدم استخدامها
وهذا حسب اشادات الطبيب , وبعد هيك مثل ما حكا جيفارا شربنا
قهوة مع حليب عندي في البيت وكل البرنامج مشى معي تمام وانا الان بحكي مع اخوي في
المانيا وميه ميه وهيني بمسي على الحلوين
ومساءكم فل وياسمين وان شاء الله بنشوفكم في الصباح اذا ما قطعت الكهربه
احلى تحية لعيونكم

صباح الخير رفيقي المجد صباح الخير رفاق

انا هلاء فت منشان اقعد بالمنتدى واصبح عليكم وانا بشرب شاي بالبن طبعا بعزمكو عليه اكيد انتو ما بتحبوه صح هههههههههههههههههه

طبعا برنامجي راح يكون متل كل يوم قعده بالبيت لا شغل ولا مشغله الله يفرجها يارب

بشوفكو بكرا ان شاء الله سلاموووووووووووو

تحيه رفاقيه الك رفيقي المجد